1000 сарнайн баяр боллоо

Нийслэлийн Нийгмийн Ардчилал Монголын Эмэгтэйчүүдийн Холбооны дарга Б.Саранчимэгийн санаачлан уламжлал болгосон “1000 сарнай” хүндэтгэлийн арга хэмжээ өнөөдөр Тусгаар тогтнолын ордонд боллоо.

Төр нийгмийн бүхий л салбарт өөрсдийн мэдлэг боловсрол, хүч хөдөлмөрөө зориулж яваа олон мянган ээжүүдийн төлөөлөл болсон 1000 ээж тус үйл ажиллагаанд оролцсон юм.

“1000 сарнай” хүндэтгэлийн арга хэмжээгНийслэлийн НАМЭХ-ны дарга Б.Саранчимэг ээжүүд, эмэгтэйчүүддээ мэндчилгээ дэвшүүлэн баярын үйл ажиллагааг нээж, нэгэн өдрийг шагналын хур, урлагийн тоглолт, азын сугалаатай өнгөрүүллээ.

Ажил үйлс амжилт бүтээлээрээ манлайлсан эмэгтэйчүүд нийслэлийн НАМЭХ-ны “Шилдэг эмэгтэй”, “Хүндэт тэмдэг”-ээр энгэрээ мялааж, уригдсан суудал нь аз дагуулсан ээжүүд гэр ахуйн цахилгаан барааны эзэд боллоо.