Засгийн газрын тогтоолоор зохиогдсон “Дүнжингарав” уралдааны үеэр долоон хүүхэд гэмтжээ

“Дүнжингарав-2015” хаврын бүсийн уралдаан хоёрдугаар сарын 28-ны өдөр буюу хаврын тэргүүн сарын шинийн 10-ны өдөр боллоо.  Хүүхдийн төлөө байгууллагуудаас өвөл морин уралдаан зохион байгуулахыг эсэргүүцэж байсан энэхүү уралдааныг Засгийн газрын тогтоолоор зохион байгуулахаар болсон юм. Уралдааны аюулгүй байдлыг хангахаар 300 гаруй цагдаагийн албан хаагч, Нийслэлийн хүүхдийн төлөө газрын арван ажилтан хүүхдүүдийн аюулгүй байдалд хяналт тавин ажилласан байна. Гэсэн хэдий ч уралдааны үеэр долоон хүүхэд мориноосоо унаж, нэг хүүхэд нь эмнэлэгт хүргэгдсэн байна.