Авилгатай тэмцэх газрынхан Н.Энхбаярыг саатуулахыг завджээ

Битvvний өдөр эх орондоо ирсэн МАХН-ын дарга Н.Энхбаярыг АТГ-аас саатуулахыг завджээ.

Өчигдөр Монгол Улсын Ерөнхийлөгч АНУ-ын иргэн Жастин Капла, Филиппин улсын иргэн Кристобал Ж.Дэвид, мөн улсын иргэн Хилармон В.Кажуком ЖР нарт уучлал үзүүлэв. Тэд 35 тэрбум төгрөгийн татвар төлөхөөс зайлсхийсэн хэргээр ял эдэлж байсан юм.

Тэгвэл энэ үйл явдалтай зэрэгцэн эх орондоо ирээд удаагүй байгаа Н.Энхбаярыг намын байрандаа байхад нь АТГ-ын ажилтан н.Эрдэнэсайхан, н.Ганбаяр нар ирж багагүй хугацаанд саатуулсан аж.

Уг нь Н.Энхбаяр шинийн наймны билэгт өдөр 80 насны сүүдэр тохиож буй ээж Бүдханддаа хүндэтгэл үзүүлэхээр очих гэж байсан талаар МАХН-аас мэдээллээ. Мөн Н.Энхбаярын эсрэг ажиллагааг АТГ дахин эхлүүлсэн нь хувь заяаны эмгэнэл боллоо гэдгийг хэлэв.