“Маршалын нууц товчоо” нууцаа дэлгэнэ

    Төр нийгмийн нэрт зүтгэлтэн Хорлоогийн Чойбалсангийн амьдрал түүхэн замналыг харуулсан “Маршалын нууц товчоо” хэмээх ном өнөөдөр “Тусгаар тогтнолын ордон”-ны Номын санд нээлтээ хийх гэж байна. Уг номыг манай Төрийн шагналт, Соёлын гавьяат зүтгэлтэн зохиолч, яруу найрагч Дамбын Төрбат бичиж олны хүртээл болгож байгаа юм байна.

Уг зохиолд маршал Х.Чойбалсангийн эх оронч үзэл, тусгаар тогтнолоо аврах гэсэн эрмэлзлэл, түүний туулсан замналыг бодит түүхэнд тулгуурлан уран сайхны хэлбэрээр уншигч танаа хүргэж байгаа аж.

Хамгийн гол нь энд урьд өмнө ном зохиолд дурдагдаж байгаагүй маш олон үнэт зүйлс багтжээ. Төр нийгмийн нэрт зүтгэлтний баярлаж, гуниж гутарч явсан тэр л амьдралын эрээн бараан баяр жаргал, зовлон гуниг энд бүгд багтсан гэдгийг нэрт зохиолч Д.Төрбат онцолсон юм.

Түүхэнд тэмдэглэгдэн үлдээгүй маш олон нууцыг анх удаа дэлгэж байгаа учраас  зохиолч маань энэхүү бүтээлээ “Маршалын нууц товчоо” хэмээн нэрийдсэн хэрэг биз ээ.