Огноо: 2015/2/6 16:13:46

МАРШАЛ Х.ЧОЙБАЛСАНГИЙН ЭД ӨЛГИЙН ҮЗЭСГЭЛЭН НЭЭГДЛЭЭ

Өнөөдөр Маршал Х.Чойбалсан гуайн 120 жилийн ойг Монгол орон даяар нижгэр тэмдэглэж байна. Нижгэр ч гэж МАН-аас зохион байгуулсан хэрэг. Хийсэн бүтээсэн зүйлтэй хүн амьддаа, насан эцсийг үзүүлээд хэдий удсан ч ард түмнийхээ дунд амьдарсаар байдгийн жишээ болж байна. Саяхан хоёр хоногийн өмнө жанжин Д.Сүхбаатарын мэндэлсэн өдрийг тэмдэглэн өнгөрүүлсөн. Монголын ард түмэн Ардын хувьсгалын анхны долоогийн нэг, Монгол Улсын маршал Х.Чойбалсангийн амьдралын түүхэн замналыг дурсан санагалзаж байна.

Өнөө өглөө 10:00 цагд төрийн ордонд Маршал Х.Чойбалсангийн тухай эрдэм шинжилгээний ажлыг амжилттай зохион байгуулсан бөгөөд үргэлжлүүлэн бол 14:00 цагаас Үндэсний түүхийн музейд түүний хэрэглэж эдэлж байсан түүхийн дурсгал болсон эд өлгийн зүйлсийг нэгэн доор дэлгэн үзүүлсэн үзэсгэлэнгийн нээлтийг хийлээ. Энэхүү үзэсгэлэн хоёр долоо хоногийн хугацаанд ард түмнийхээ өмнө үнэ төлбөргүйгээр дэлгэгдэн үзүүлэх ажээ.

Нээлтийн арга хэмжээнд МАН-ын генесек Ж.Мөнхбат, МҮМ-н бодлого төлөвлөлтийн дарга н.Будбаяр, Статик төлөвлөгөөний захирал хадагтай н.Ундраа нар оролцож үг хэлсэн юм.