Цагдаагийн байгууллагын 90 жилийг тохиолдуулан ёслолын парад болно

Цагдаагийн байгууллага үүсч хөгжсөний 90 жилийн ойг тохиолдуулан ёслолын парад болох гэж байна.

Энэхүү арга хэмжээний үеэр урлагийн мотоциклчид, бөмбөрчдийн тоглолт болон 500 хүний бие хамгаалах урлагийн үзүүлбэр, тусгай бүлгийн болон эрэлч нохойн үзүүлэх тоглолт, морьтой үзүүлбэр, шүхрийн буулт зохион байгуулах аж.

Мөн өдрийн орой Д.Сүхбаатарын талбайд “Амар тайван амьдралын төлөө” нийтийн цэнгүүн зохиож, рок поп, урлагийн одод, нийтийн дуучид оролцон, ёслолын буудлага хийх юм байна.

Мөн баярын арга хэмжээн хүрээнд энэ сарын 17-ны өдөр Төв аймгийн Галтай-Булнайд Сэргийлэх цэргийн дурсгалд зориулсан гэрэлт хөшөөний нээлт, 19-нд Их эзэн Чингис хааны хөшөөнд хүндэтгэл үзүүлэх, Дамдины Сүхбаатарын хөшөөнд цэцэг өргөх ёслолын ажиллагаа, Соёлын төв өргөөнд Цагдаагийн байгууллагын 90 жилийн ойн баярын хурал, хүндэтгэлийн концерт зохиохоор төлөвлөсөн ажээ.

Ёслолын парад ирэх бямба гаригт Төв цэнгэлдэх хүрээлэнд болох нь ээ.

Г.Од