“Давхар цохилт” ашиг орлогоороо хоёрт бичигдэж байна

Сүүлийн үед монгол кинонууд борооны дараах мөөг шиг олширсон. Кино театрт очиход нэг хэсэг гадаадын киноноос өөр үзэх юм байдаггүй байсан үе бий. Харин одоо бол монгол кинонууд ээлжээ хүлээн кино театрын үүдийг сахихаас наагуур болжээ. Энэ олон кинон дундаас үнэхээр сайн нь ч байхад кино гэхэд хэцүү нэг үзвэл дахиж сонирхохгүй тийм кинонцорууд ч байна.

Харин сүүлийн үед үзэгчдийг үнэхээр байлдан дагуулж чадсан кино болох “Давхар цохилт” уран сайхны кино нийт 70 гаран саяын ашиг орлого олжээ. Үүнээс өмнө “Үргээлэг” уран сайхны кино 433 сая төгрөгийн ашиг олж байсан юм. Энэ байдлаар “Давхар цохилт” уран сайхны кино нийт олсон ашиг орлогынхоо тоогоор одоогоор хоёрдугаарт бичигдэж байгаа юм.

“Давхар цохилт” уран сайхны киноны найруулагчаар бидний сайн мэдэх жүжигчин, хөтлөгч, дуучин, найруулагч гэх мэт төрөл бүрийн авъяас мэргэжилтэй Г.Анхбаяр бичиж найруулсан билээ. Тэрээр урьд нь “Луйврийн хот”, “Франц үнсэлт” гэх хэд хэдэн кино найруулж байсан авъяаслаг залуу юм. Түүний найруулж тоголсон “Франц үнсэлт” уран сайхны кино ч тун амжилттай байж үзэгчдийн сонирхлыг ихээхэн татсан. Дашрамд дурдахад жүжигчин найруулагч залуугийн маань өвөө нь “Зэрэг нэмэхийн өмнө” киноны элдэвтэй Боролдойн дүрээр ард түмэн андахгүй сайн мэдэх Б.Содном гуай юм шүү дээ.