“Винсанити” гайхалтай тоглолт үзүүллээ

Өнөөдөр NBA-ийн талбайд 12 тоглолт болж байна. Эдгээрээс “Чикаго Буллз”-“Портлэнд Блэзерс” 115:106, “Вашингтон Визардс” 104:96, “Атланта Хаукс”-“Орлэндо Мэжик” 87:81, “Нью Йорк Никс”-“Бостон Селтикс” 101:95, “Бруклин Нэтс”-“Филадельфи 76” 88:70, “Торонто Рэпторс”-“Индиана Пэйзерс” 106:94, “Мемфис Гризлес”-“Шарлотте Бобкетс” 113:107, “Оклахома Сити Тандер”-“Миннесота Тимбер Уолвез” 111:92, “Нью Орленс Пеликанс”-“Клевлэнд Кавалейрс” 119:114, “Детройт Пистонс”-“Финикс Санс” 105:103, “Майами Хит”-“Юта Жаз” 100:95-аар тус тус хожсон бол “Лос Анжелес Лэйкерс”-“Сан Антонио Сперс” багуудын тоглолт яг одоо үргэлжилж байгаа аж.

“Баавгайнууд” талбай дээрээ “Зөгийнүүд”-тэй хүнд ширүүн тоглолт хийж, хоёр удаа нэмэлт цаг сунгасны эцэст ялалт байгууллааа. Зочин багаас К.Уолкер 28 оноо, Г.Нил 25 оноо, О.Жефферсон 16 оноогоор бусдыгаа тэргүүлсэн бол “Мемфис”-ийн З.Рэндольф 20 оноо, 11 самбар, М.Конли 19 оноо, 6 оновчтой дамжуулалт, М.Газоль 19 оноо, К.Ли 12 оноо, Т.Аллен 9 оноо, 10 удаа самбараас бөмбөг авч үр дүнтэй тоглолт үзүүлсэн юм. Хоёр баг 92:92, 102:102-оор хоёр удаа тэнцсэн. Үндэсний сагсан бөмбөгт 16 жил тоглож буй алдарт В.Картер тоглолтын төгсөлд гайхалтай шидэлт хийж, багийнхаа хожилд чухал үүрэг гүйцэтгэлээ.

Сэтгүүлч М.Золбаатар

mongolcom.mn