Огноо: 2011/7/8 8:58:38

Усыг их хэмжээгээр нэг дор хэрэглэхэд тархины эсийг хавагнуулдаг

Хүн өдөрт дунджаар 1.5 литр ус уух шаардлагатай гэдэг. Зуны аагим халуунд ам цангаж, шингэн их хэмжээгээр хэрэглэх нь бий. Ус тогтмол уух нь сайн гэсэн ойлголт бидний дунд байдаг. Гэтэл их ус уух нь гэдэс, ходоодыг тэлж, хоолны шингээлтэд нөлөөлж, хэвийн амьсгалах явцыг сааруулдаг байна. Мөн тархины эсийг хавагнуулж, гавлын дотоод даралтыг дээшлүүлэх сөрөг нөлөөтэй аж. Өндөр настай хүмүүс уух нь тийм ч тохиромжтой байдаггүй гэнэ. Ялангуяа, зүрх, уушиг нь муу хүний хувьд тамирдах, байн байн шээс хүрдэг. Үүнээс болж амархан ядардаг байна. Харин хүн хөлрөхөд, хөлсөөр дамжин биед тодорхой хэмжээгээр хэрэгтэй давсархаг элемент гадагшилдаг. Үүнийг нөхөхийн тулд усанд бага хэмжээний давс уусгаж хэрэглээрэй. Ингэснээр булчин сулрах, шөрмөс татах, үе мөч шархирч өвдөхөөс сэргийлэх сайн талтай.