Орлогч дарга туслахуудын орон тоог цөөрүүлнэ

УИХ-ын чуулган үргэлжилж ирэх жилийн төсвийн талаар хэлэлцэж байгаа билээ. Ирэх жилд төсвийн урсгал зардлыг бууруулахаар УИХ-ын байнгын хороод байгууллагуудын дэд дарга,  орлогч, зөвлөхүүдийг цомхтгох санал гаргажээ. Бүх шатны төсөвт байгууллагын дэд дарга, зөвлөхүүд, бүх шатны ИТХ-ын Ажлын албаны орон тоо болон орлогчдын тоо хэрээс хэтрээд байгаа юм. Үүнийг 345-аар бууруулах санал оруулсаныг гишүүд олонх нь дэмжсэн байна. Мөн аймаг, дүүргийн Засаг дарга нар нэг орлогчтой, нийслэлийн Засаг дарга хоёр орлогчтой болох тухай тусгажээ.