Жүжигчин Э.Цолмонбаяр СТА боллоо

TV Cocktail-ийн шинэ уран бүтээл “Омарын Эрэлд” адал явдалт уран сайхны киноны нээлт Тэнгис кино театрын гадаа талбайд боллоо. Тус кино нь TV Cocktail хамтлагийн дөрөв дэх дэлгэцийн уран бүтээл юм.

Уг киноны ерөнхий найруулагч Ж.Сэнгэдорж нь “Бодлын хулгайч”,” Ларьдма”, “Үргээлэг” зэрэг олон чанартай уран бүтээлүүдийг найруулан үзэгчдэд хүргэж байсан бөгөөд кино зохиолыг “ТВ Коктейль” хамтлагийн жүжигчин Б.Энхбаяр бичин, продюсерээр С.Жавхлан, Э.Цолмонбаяр, зураглаачаар “Логик” фильм студийн Э.Нэргүй, хөгжмийн зохиолчоор “Ертөнц” цомгийн зохиолч Г.Онон нар ажиллажээ. Киноны зураг авалтын 40 хувийг БНСУ-д авсан бөгөөд тус улсад авсан зураг авалт нь албан ёсны зөвшөөрөлтэйгээр хийгдсэнээрээ онцлог бүтээл болжээ.

Уг киноны нээлтэнд “ТВ коктейль” хамтлагийн жүжигчин Э.Цолмонбаяр ССАЖ-ын сайдын тушаалаар МУ-ын “Соёлын Тэргүүний Ажилтан” хэмээх цол тэмдэгээр энгэрээ мялаалаа. Жүжигчин Э.Цолмонбаярдаа нийт уншигчдынхаа өмнөөс халуун баяр хүргэж уран бүтээлийн өндөр амжилт хүсэн ерөөе.