Манай улс жоншны нөөцөөрөө дэлхийд дөрөвдүгээрт оржээ

Монголын жоншны холбооныхон БНХАУ-ын Тяньжин хотод болсон “China Mining-2014” олон улсын хуралд оролцоод иржээ. БНХАУ-ын хайлуур жоншны үйлдвэрлэл, хэрэглээгээрээ дэлхийд тэргүүлдэг орнуудын нэг учраас тус улстай хамтран ажиллах нь Монголын жоншны салбарын хувьд онцгой ач холбогдол өгнө гэдгийг хурлын үеэр онцолсон аж. Учир нь манай улс жоншны нөөцөөрөө дэлхийд дөрөвдүгээрт ордог төдийгүй 2012 онд жоншны 100 гаруй сая тонн, 32 сая тонн эрдэсжсэн нөөцтэй гэж олон улсын байгууллагууд тогтоосон байна. Түүнчлэн Ашигт малтмалын газрын мэдээллээр жонш олборлох зөвшөөрөлтэй138 аж ахуйн нэгж байдаг ч гар аргаар жонш олборлогчид жил ирэх тусам хүрээгээ тэлсээр байгаа нь асуудал болоод байгааг онцолж харилцан ярилцсан байна. Тиймээс гар аргаар жонш олборлогчид ченжүүдэд зарж, Хятад руу гаргасаар байгааг Монголын жоншны холбооныхон шүүмжилжээ.

Д.НЭРГҮЙ

- See more at: http://www.unen.mn/content/41791.shtml?alias=mining#sthash.cGvtLtD1.dpuf