М.Зоригт: ТЕГ амралтын өдөр хүн дуудах эрхгүй

Өнгөрсөн бямба гаригт УИХ-ын гишүүн М.Зоригт болон түүний туслахыг Тагнуулын ерөнхий газраас дууджээ. Харин М.Зоригт гишүүн ТЕГ-ынханд амралтын өдөр хүнийг дуудах эрх тэдэнд байхгүй. Би дуудагдмааргүй байна хэмээн твиттер хуудсандаа жиргэжээ. Тэрээр “ТЕГ Н.Алтанхуягийн хувийн хамгаалалтын алба биш. Дургүй улсаа дуудуулж, дарамталж, сүрдүүлдэг газар бүүр ч биш” гэж бичсэн байна. Амралтын өдөр түүнийг ТЕГ дуудсаныг тэрээр Ерөнхий сайдыг огцруулах АН-ын 15 гишүүний гарын үсэг зурсантай холбон тайлбарлаж байгаа юм.