Таван айлын гэр, нэг автомашин, 100 гаруй мал шатжээ

Сүхбаатар аймгийн Асгат сумын нэгдүгээр багийн нутаг “Уулын тал” гэдэг газар /сумын төвөөс зүүн хойд зүгт 30 км-т/ хээрийн түймэр гарсан гэх мэдээлэл аймгийн Онцгой байдлын хэлтэст  энэ сарын 22-ны өдрийн  15:40 цагт  иржээ.

Галыг унтраахад тус аймгийн Онцгой байдлын хэлтсийн 32 албан хаагч, дөрвөн автомашин, орон нутгийн 168 иргэн, 20 автомашин, нийт 200 хүн, 24 техник хэрэгсэлтэйгээр ажиллаж,  мөн өдрийн 23:30 цагт цурамд оруулан, 2014.10.24-ний өдрийн 14:00 цагт түймрийг унтраасан аж.  Уг гал түймэрт урьдчилсан байдлаар таван гэр, нэг автомашин, 100 орчим толгой мал өртжээ. Азаар дээрх галын улмаас хүний амь эрсдээгүй байна.

М.Нандин