Огноо: 2014/10/15 21:33:28

Нутаггүй цыганчууд

Европын холбоо, олон улсын хамтын нийгэмлэгээс цыганчуудад нутаг олгох асуудал үргэлж маргаантай байсаар ирсэн. Энэхүү тэнэмэл үндэстнийг НҮБ-аас Европын улсуудад түр хугацаанд оршин суух эрх олгодог бөгөөд энэ нь хэдэн жил л үргэлжилдэг. Тэднийг нутаг дэвсгэр дээрээ амьдруулах улс орон тун ховор. Учир нь цыганчууд хулгай дээрэм хийдгээрээ алдартай.

Тив дэлхийгээр нүүдэллэн амьдардаг цыгануудын гарал үүслийн талаар одоо болтол маргаантай байдаг. Эртний индоари үндэстний үр удам гэж ихэнх судлаачид үздэг байна. Зарим нь Энэтхэгээс, зарим нь эртний Ромоос, зарим нь Ойр Дорнодоос (Арабаас) гаралтай гэдэг. Энэтхэгчүүд өөрсдөө хүртэл соёл урлаг зүс царай гээд цыгантай адилхан болохоо хүлээн зөвшөөрдөг.

Цыганууд манай эриний III, VII зууны хооронд Энэтхэгийн баруун хойд нутгийн хаа нэгтээгээс Европт хүрэх урт замаа эхлэжээ гэж түүхчид санал нэгтэй үздэг. Олон хүнийг хамарсан энэ цагаачлалын шалтгаан нь өнөөдөр бусад орноос илүү сайхан аж амьдрал эрж хайхад хүмүүсийг хүргэж буй тэр л шалтгаан байжээ. Цыганууд үймээн мөргөлдөөн, тогтворгүй байдлаас зугадаж, Тегеран, Багдад, хожим нь Константинополь зэрэг том хотуудыг бараадах болсон байна. Цыганы “гастарбайтерууд” хөдөө аж ахуйд ажиллаж, цэрэгт хөлсний этгээд, ордны манаач, данс хөтлөгчөөр бүртгүүлж байжээ.

Зураг дээр дарж томоор үзэх боломжтой