Оюутны Лиг Дарханд тун удахгүй
Оюутан залуусыг хамарсан сагсан бөмбөгийн тэмцээн маань цар хүрээгээ тэлж, Улаанбаатар хотоос гадна Эрдэнэт, Дархан хотуудад өөрсдийн салбар Лигийн тэмцээнтэй болохыг зорилтоо болгож байсан билээ. Тэгвэл өнөөдөр “Дархан Оюутны Лиг” төслийг санаачлагч Б.Хурбаяртай миний бие уулзаж, төсөлтэй нь танилцаж, зөвлөгөө өгч, Оюутны Лиг төсөлтэй уялдуулж, хамтран ажиллахаар боллоо
Одоогоор Дарханд үйл ажиллагаа явуулдаг 10-аад сургуульд удирдамж хүргэгдсэн ба ССАЖГ-ын дэмжлэгийг авч хамтран ажиллахаар болсон сайхан мэдээг дууллаа. Тиймээс Дарханд сурдаг оюутан залуусаа энэхүү төслийг дэмжиж, багаа идэвхитэй оруулж, хөгжөөн дэмжиж байхыг уриалахын зэрэгцээ хувь, хүн, компани, албан байгууллагуудыг ивээн тэтгэхийг уриалж байна.
Мөн Эрдэнэт хотын МСБХ-ны ЕНБД-тай холбогдож, Оюутны Лиг төслийг Эрдэнэтэд зохион байгуулах талаар ярилцаж, хамтран ажиллахаар тохиролцлоо. Оюутны Лиг төслийг Улаанбаатар хотоос гаргаж, орон нутагт тогтвортой зохион байгуулагддаг тэмцээн болгох том зорилт анхнаасаа хэрэгжиж эхэлж байгаад маш их баяртай байна. Улмаар тус хоёр хотын Оюутны Лигийн Аварга эрэгтэй, эмэгтэй багууд Улаанбаатарт 2014 оны 4-р сард хүрэлцэн ирж Оюутны Лигийн шилдэгүүдтэй Плейоффт хүч үзэх боломжийг гаргаж өгч байгаа юм.
ОЛНЫ ДУНДАХ ОЮУТНЫ ЛИГ ӨРГӨЖСӨӨР!!!
Эх Сурвалж: Идэр-Ууган Ганбат
URL:
