“АПУ”-ийн борлуулагчийг хөнөөсөн этгээдийг Хонхороос баривчилжээ

“АПУ”  компанийн гэрээт борлуулагч Б.Алтанхуягийг эрэн хайх ажиллагаа хагас сар үргэлжилсэн ч түүний цогцсыг уржигдар Налайхын уурхайгаас олсон. Талийгаачийн цогцсыг уурхайн 15 метрийн гүнээс гар аргаар алт олборлох гэж байсан залуус олж цагдаад мэдэгдсэн байдаг. Түүний унаж явсан машин, хөнөөсөн этгээдийг цагдаа нар эрэн сурвалжилсны эцэст талийгаачийн унаж явсан  “УНК 2983” улсын дугаартай ачааны микро автобусыг өнгөрсөн шөнө Төв аймгийн Зуун мод хотоос олсон байна. Харин Б.Алтанхуягийг хөнөөсөн байж болзошгүй этгээдийг өчигдөр шөнө Хонхороос  саатуулсан ч сэжигтэн этгээд одоогоор ямар нэг мэдүүлэг өгөхгүй байгаа гэдгийг цагдаагийн эх сурвалж хэлж байна.

С.Саруул /ЗУУНЫ МЭДЭЭ/