К.Роналду мэргэн буучдыг тэргүүлж байна

Урд шөнө Испанийн “Ла лиг”-ийн тавдугаар тойргийн эхний тоглолтууд боллоо. Энэ удаа “Реал Мадрид”-“Эльч”, “Сельта Виго”-“Депортиво” багууд учраа таарсан аж. Улсынхаа лигт хамгийн их түрүүлсэн Эзэн хааны “Реал Мадрид” дэлхийн шилдэг хөлбөмбөгчдыг эгнээндээ оруулсан ч шинэ улиралд хоёр хожигдон тааруухан амжилтыг үзүүлээд байна. Өмнөх тойрогт “Депортиво”-г 8:2-оор бут ниргэсэн тэд энэ эрчээрээ “Эльч”-ийг 5:1-ээр илт давуу хожсон аж.

Харин “Сельт Вирго”-“Депортиво”-г 2:1-ээр буулган авч тэргүүлэгчийн байр сууриа хадгалж үлдлээ. Испанийн лигийн тэмцээний мэргэн буучдын жагсаалтыг “Реал Мадрид”-ын Португал хагас хамгаалагч К.Роналду 9 гоолтой тэргүүлж байгаа бол 4 гоолтой гурван тоглогч араас нь нэхэж байна.

Таван тойргийн дараах байдлаар багууд ямар ажилттай явж байгааг хүснэгтээс харна уу.