Урлагийн нэгдсэн тоглолт талбай дээр болно

Намрын сар гарч найр хурим, шоу тоглолтын үе эхэлдэг билээ. Тэгвэл энэ сарын 24-нд Их эзэн Чингис хааны талбайд бүтэн өдрийн туршид рок поп, хип хоп, амьд хөгжмийн оддын нэгдсэн урлагийн төлөөх таван жил шоу тоглолт болох юм байна. Энэхүү тоглолт нь urlag.mn сайтын таван жилийн ой, монголын сайтын холбооны таван жилийн ойн талархлын баярын нээлтийн өдөрлөг, Монгол поп опера “Увертура” хамтлагийн таван жилийн ой “…Төгсгөлгүй эхлэл..” тоглолтын DVD-ний баярыг тохиолдуулан хийж буй томоохон арга хэмжээ юм. Тус арга хэмжээ нь 11:00 – 23:00 цаг хүртэл болох бөгөөд хамтран ажиллагч байгууллагуудын хямдрал урамшуулалт үзэсгэлэн худалдаа болох аж.

Уг тоглолтонд урлагийн акулууд болох Харанга, Хурд, Харш, Хар сарнай, Ариунаа, Дэлгэрмөрөн зэрэг олон олон хамтлаг дуучид ирж өөрсдийн ая дуугаа өргөх юм байна.

А.БИЛГҮҮН