БНХАУ-ын дарга Си Зиньпиний Монгол Улсад хийсэн төрийн айлчлал өндөрлөв

БНХАУ-ын дарга Си Зиньпиний Монгол Улсад хийсэн төрийн айлчлал өнөө орой /2014.08.22/ өндөрлөв. Тэрээр гэргий Пөн Ли-Юань, дагалдан яваа хүмүүсийн хамт Улаанбаатар- Бээжин чиглэлийн тусгай үүргийн нислэгээр “Чингис хаан” олон улсын нисэх онгоцны буудлаас эх орондоо буцлаа.

БНХАУ-ын дарга Си Зиньпиний Монгол Улсад хоёр өдөр хийсэн төрийн айлчлал амжилттай болж, хоёр улсын харилцааны хөгжлийг  урагшлуулахад чухал ач холбогдолтой боллоо гэж талууд санал нэгтэй үзсэн байна. Уг айлчлалын үеэр хоёр орны харилцааны түвшинг Иж бүрэн стратегийн харилцааны түвшинд дэвшүүлж, хамтарсан тунхаглал гаргав. Талууд 20 гаруй барит бичигт гарын үсэг зурсан юм.