Ким Кардашианы эгчийг дээрэмджээ

Гэр бүлээрээ телевизийн урлагаар алдаршсан Кардашианыхны нэг болох Куртни Кардашиан болон түүний урт хугацааны үнэнч хайрт Скотт Дисикс нарыг дээрэмдсэн талаар Нью-Йоркийн цагдаагийн газар мэдээлсэн байна. Эл дээрмийн хэрэг өнгөрсөн сарын дундуур Нью-Йорк хотын Саутхэмптон дахь гэрт нь гарсан гэнэ. Цагдаагийнхны мэдээлж буйгаар 35 настай Куртни, 31 настай Скотт нарыг гэртээ эзгүй байх хойгуур орон байрны хулгайч нэвтэрч гар цүнхэнд нь байсан 4000 долларыг аваад зугтсан байна. Одоогийн байдлаар гэмт этгээдийг илрүүлээгүй байгаа бөгөөд цагдаагийнхан мөрдөн байцаах ажиллагааг эрчимтэй явуулж байгаа гэж мэдээлэв. Алдартай хос энэ зуныг Хэмптонд өнгөрүүлж байгаа юм. Учир нь тэд “Хэмптоны Куртни, Хлой хоёр” хэмээх киноны зураг авалтад оролцож байгаа аж. Куртни, Скотт нар нь 2007 оноос эхлэн нэг гэрт амьдарч дөрвөн настай Мэйсон, хоёр настай Пенелопе гэх хоёр хүүхдийн эцэг эх болоод байгаа юм.

- See more at: http://entertainment.time.mn/content/48191.shtml#sthash.e16Xzqla.dpuf