113 мянган оюутанд нийтийн тээврээр үнэгүй зорчих эрх олгоно

Хичээлийн шинэ жил ойртож байгаатай холбогдуулан 113 мянган оюутанд нийтийн тээврээр үнэгүй зорчих эрх олгохоор шийдвэрлэсэн байна. БШУЯ, МОХ, Нийслэлийн нийтийн тээврийн газрууд харилцан зөвшилцсөний үндсэн дээр энэхүү шийдвэрийг гаргасан бөгөөд одоогийн байдлаар 80 мянга орчим оюутан смарт карт захиалжээ. Өнгөрсөн хавар захиалгаа өгсөн оюутнуудын карт хэвлэлтэд орсон учир ирэх сарын 1 гэхэд тараагдах юм байна. Харин нэгдүгээр курсынхны хувьд есдүгээр сарын 1-нд өөрийн сургуулийн оюутны зөвлөл болон Монголын оюутны холбоонд захиалгаа өгснөөр 14 хоногийн дараа картаа авч, үнэгүй зорчих эрх нь үүсэх юм.