“Гал үндэстэн” холбоонд Герман улсаас захидал иржээ

С.УЯНГА

“Гал үндэстэн” холбоо, цөмийн эсрэг “Голомт” төрийн бус байгууллагаас өчигдөр мэдээлэл хийлээ. Тэд “Гал үндэстэн” холбооны хууль бусаар ял шийтгүүлэн хоригдож байгаа гишүүдийн биеийн байдал муу байгааг хэлсэн юм. Мөн хоригдож байгаа Ц.Мөнхбаяр нарыг дэмжиж байгаагаа илэрхийлж Германы байгаль хамгаалагч иргэд, төрийн бус байгууллагуудаас тус улсад суугаа манай Элчин сайдын яамаар дамжуулж захидал илгээжээ. Германы төрийн бус байгууллагуудын төлөөлөл энэ сарын 28-29-нд манай улсад ирэхээр болсныг дуулгасан юм. “Гал үндэстэн” холбооны гишүүд “Монголд 13 аж ахуй нэгж 58 цацраг идэвхит ашигт малтмалын тусгай зөвшөөрөл эзэмшиж байна.Мөн ял эдлэх боломжгүй хүмүүсийг ял эдлүүлж байгаа төрийн өндөр албан тушаалтнууд ажлаа хийж чадахгүй байгаа учраас Засгийн газрыг огцруулах хэрэгтэй” гэв.