Мууранд зориулсан дарс

 

Японы дэлгүүрүүдэд саяхнаас “Nyan Nyan Noveau” нэртэй дарс гарчээ.  Дөрөв орчим ам.долларын үнэтэй 180 граммаар савласан дарсыг “B&H Lifes” компани үйлдвэрлэн гаргажээ.

Дарсыг үйлдвэрлэсэн компанийн төлөөлөгчийн ярьснаар зул сарын болон бусад баярын үеэр эзэдтэйгээ хамт байж чадахгүй муурнуудад эл бүтээгдэхүүнийг   зориулжээ. Муурны дарсанд алкоголь байхгүй.

Усан үзмийн шүүс, амьтанд зориулсан амин дэмтэй аж.Компани хэрэглэгчдийнхээ олон мянган хүсэлтийг харгалзан энэхүү дарсыг хийсэн байна. Өмнө нь “Wan Wan Beer” гэх нохойнд зориулсан шар айраг гаргасан нь эрэлттэй байжээ.