Чупа чупс, Дирол зэрэгт олон улсад хориглосон хүнсний нэмэлт ашигладаг

Гадны улс орноос импортлож буй зарим нэрийн зайрмаг, иштэй чихэр/Чупа чупс/, бохь/дирол/ зэрэгт дэлхийн олон улсад хориглосон хүнсний нэмэлтүүд ордог байна.

Гэвч манайд эмийн бүтээгдэхүүнийг бүртгэдэг шиг хяналтын тогтолцоо байхгүй гэж мэргэжлийнхэн тайлбарладаг. Хэрвээ аж ахуйн нэгжүүдийн оруулж ирж буй эдгээр хүнсний бүтээгдэхүүнүүдийг албан ёсоор бүртгэдэг тогтолцоо бий болвол хяналт тавьж, зөрчил илэрсэн тохиолдолд Монгол Улсын зах зээлд нийлүүлэхийг хориглох бүрэн боломжтой аж.

Харин салбарын яам, шийдвэр гаргах түвшнийхэн уг асуудалд хойрго хандаж байгаагаас зохицуулах журам боловсруулах ажил удаашралтай байна гэж Мэргэжлийн хяналтын улсын байцаагчид шүүмжилдэг байна.

Ами
Оллоо.мн