Гурван машин мөргөлдсөн ноцтой осол гарчээ

Өчигдөр гурван машин мөргөлдсөн ноцтой осол Хан-Уул дүүрэгт буюу Яармагийн гүүрнээс “Viva city” явах замд гарчээ.

Тодруулбал, Раум, Приус, Портер маркын гурван машин мөргөлдсөн бөгөөд ослын улмаас гурван хүн бэртэж хоёр хүн гэмтлийн эмнэлэг рүү хүргэгджээ.

Энэхүү осол гарсан яармагийн нэг талын урсгалын авто замыг засвар хийхээр түр хугацаанд хаагаад байгаа юм.Эх сурвалжийн  мэдээлж буйгаар осол гарсан хэсэгт зам засварын ажил хийгдэж байгаа тул жолоочид урсгал сөрж хөдөлгөөнд оролцсоноос ийнхүү гурван машин мөргөлдсөн байж болзошгүй гэжээ. Одоогоор ослын газарт Хан-Уул дүүргийн замын цагдаагийн газар ажиллаж байгаа аж.