Машин эзэмшигчийн аюулгүй байдал

-Машинаа гэрэлтүүлэгтэй, хүмүүст ил харагдах газар тавьж байх. Төлбөртэй зогсоол илүү найдвартай.

-Хуучин машин худалдан авсан бол юуны өмнө түлхүүрийг нь солиулах.

-Машинаа кинотеатр, усан сан, театр зэргийн үүд, ойр орчимд хараа хяналтгүй тавихгүй байх. Тийм газар удаан саатна гэдгийг хулгайчид мэддэг.

-Шинэ машинаа ойр, ойрхон угаах хэрэггүй. Бага зэрэг хуучин мэт харагдаж байхад гэмгүй.

-Машиндаа гэрэл бууруулагчийг дотроос нь наах сайн байдаг. Цонх нь тэр бүр шууд хагарчихдаггүй.

-Машинаа тавихдаа дохиоллоо залгаж, залуураа түгжих (гэхдээ хамгаалалтгүй газар).

-Тээшиндээ элдэв зүйл орхихгүй байх, орхивол сокин, хуучин бүтээлгээр бүтээх.

-Ямар ч тохиолдолд жолоочийн биш хаалга, цонх хаалттай байхад гэмгүй. Дэлхийн томоохон хотын мэргэшсэн гудамжны дээрэмчид ногоон гэрэл асаж байх үед ч цонхоо онгойлгоод явж байгаа машинд нэвтэрч шууд дээрэмддэг тохиолдол их гарах болжээ.

-Машинаараа хүн тээвэрлэж халтуурдах хэрэг гарвал ганц хүнийг болж өгвөл ардаа биш урд суудалдаа суулгаж аюулгүйн бүсээ бүсэлж явахыг хүсээрэй.