2014.06.06 өдөр: Швед орон үндэсний баяраа тэмдэглэлээ

Сайн байцгаана уу, сайтынхаа байнгын уншигчиддаа энэ өдрийн мэндийг хүргье. Миний бие нь энэ удаад Шведийн үндэсний их баярын талаарх бичил тэмдэглэл болон фото мэдээллийг та бүхэндээ бэлтгэлээ.

Шведийн Үндэсний өдөр буюу далбааны өдөр нь жил бүрийн 6 сарын 6нд улс орон даяараа өргөн тэмдэглэж өнгөрүүлдэг аж. 1983 Riksdag /Шведийн их хурал/-ийн шийдвар гарахаас өмнө энэ өдрийг төрийн далбааны баяр болгон тэмдэглэдэг байжээ. Орчин цагийн Швед орныг үүсгэн байгуулагчдын нэг болох эзэн хаан Густав Васа 1523 оноос энэ өдрийг тэмдэглэлт баяр болгох зарилгыг гаргаж байсан түүхтэй. Харин 2005 оноос бүх нийтийн амралтын өдөр болгожээ.

Энэ өдөр болсон түүхэн үйл явдлаас дурьдвал:

1523 – Gustav Vasa Шведийн хаан ширээнд залрав.
1654 – Хаан Чарльз Х нь титэмээ хатан хаан Кристинад залгамжлуулав
1809 – Шведийн феодалыг халж Шинэ Засгийн газарт улс төрийн эрх мэдэл шилжжээ
1857 –  София Нассауская нь Швед, Норвеги Хаан Оскар II гэрлэсэн
1974 – Швед улсын Засгийн газар их хурлаар зохицуулагддаг үндсэн хуульт парламент засаглал тогтсоныг зарласан байна

Мөн энэ баяртай холбоотой Шведийн эзэн хааны Стокхольм ордоны тухай цухас дурьдахгүй өнгөрч болох байх аа.

Стокгольмын ордон нь Шведийн эзэн хааны гэр бүлийн  албан ёсны оршин суух харш билээ. Дундад зууны үед Балтын тэнгисийн усан хамгаалалтын шилтгээн, хэрэм цайз барих ажлаас үүдэн энэ хотын түүх эхэлсэн гэдэг.  1697 оны 05.07-ны өдөр барилгын ажил дуусаагүй байхад 600 орчим өрөөтэй энэхүү ордон бүрэн шатсан бөгөөд азаар хааны гэр биүл тэрхүү айшигт түймрээс эсэн мэнд аврагдаж чадсан байна. Гэхдээ санхүүгийн хүндрэлтэй байдлын улмаас энэ ордоны ажил бүр 1754 он хүртэл сунжирсан байдаг. Ингээд 1760 рн гэхэд зөвхөн зүүн баруун шигүүр нь ашиглалтанд ороод байжээ.

За ингээд товчхон түүхийн араас та бүхэндээ бэлтгэсэн зургийн цомогтой танилцаарай.

Бэлтгэсэн Р.Слава

www.fact.mn