Г.Сарангэрэл охин өлсгөлөн зарлав

Хар тамхины хэргээр хоригдож байгаа Г.Сарангэрэл охин ШШГЕГ-ын харьяа Урьдчилан хорих 461-р ангид өнгөрсөн тав дахь өдрөөс эхлэн өлсгөлөн зарласан байна. Тэрээр “Би хар тамхичин биш, ямар ч гэм буруугүй” хэмээн мэдэгдэж, өлсгөлөн зарлах болсон талаар эх сурвалж мэдээллээ.

Энэ оны гуравдугаар сарын 2-ны 22:00 цагийн үед Сүхбаатар дүүргийн нутаг дэвсгэрт Х.Гэрэл, Г.Сарангэрэл, Б.Энэрэл, Б.Отгончимэг гэх дөрвөн охин “Миами” зочид буудлын гадна автомашин дотор “Метафетамин” буюу мөс хэмээх хар тамхи хэрэглэж байгаад газар дээрээ цагдаа нарт баригдсан. Гэхдээ тэд хаанаас, ямар хүнээс хар тамхи авч хэрэглэсэн болохоо хэлээгүй бөгөөд цагдаа нар тэдний гар утасны орсон, гарсан дуудлагыг хянаж ямар хүмүүстэй харьцсан болохыг олж тогтоосон байдаг. Г.Сарангэрэлийн ашиглаж байсан дугааруудаас сэжиг бүхий нэг дугаар руу маш олон удаа залгасан байдаг юм.

Н.АЛТ /НИЙСЛЭЛ ТАЙМС/