Хүүхдийн баяраар голд урссан хүүг эрэн хайх ажиллагаа үргэлжилж байна

  2014.06.01-ний хоногийн хугацаанд объектын гал түймрийн 10, аврах ажиллагааны 3 дуудлагаар нийслэлийн аврах анги, харъяа дүүргийн Онцгой байдлын хэлтсийн Аврах, гал унтраах ангийн бүрэлдэхүүн шуурхай арга хэмжээ авч ажилласан байна.

Объектын гал түймрийн тухайд :

Баянгол дүүргийн 8 дугаар хороо, Хөгжил хотхоны баруун талд 3 дугаар байрны гадна чингэлэг шатаж байна гэсэн дуудлагыг 11:19 цагт өгснөөр Аврах, гал унтраах 10 дугаар ангийн 2 дугаар тасгийг гаргахад хогийн цэгт хог шатаж байсныг унтраасан.

Баянзүрх дүүргийн 16 дугаар хороо, 72 дугаар хотхоны урд Амны орон сууцны байрны гадна машин шатаж байна гэсэн дуудлагыг 12:53 цагт өгснөөр Аврах, гал унтраах 63 дугаар ангийн тасгийг гаргахад “Delica” загварын суудлын автомашин бүрэн, “Тoyota Ipsum“ загварын суудлын автомашины ард талын дохионы гэрэл хайрагдан шатаж байсныг унтраасан.

Сүхбаатар дүүргийн 19 дүгээр хороо, Хуурай мухарын зусланд хог шатаж байна гэсэн дуудлагыг 15:01 цагт өгснөөр Аврах, гал унтраах 34 дүгээр ангийн тасгийг гаргаж унтраасан.

Хан-Уул дүүргийн 3 дугаар хороо, Аврах гал унтраах 14 дүгээр ангийн зүүн талд үртэс шатаж байна гэсэн дуудлагыг 16:08 цагт өгснөөр Аврах, гал унтраах 14 дүгээр ангийн тасгийг гаргахад Хан билэг ХХК-ийн хашаанд барилгын материалын хаягдал үртэс шатаж байсныг унтраасан.

Баянзүрх дүүргийн 23 дугаар хороо, Улиастай 5 дугаар хэсэгт байшин шатаж байна гэсэн дуудлагыг 16:11 цагт өгснөөр Аврах, гал унтраах 35 дугаар ангийн тасгийг гаргахад 1 метр хашаа, хог шатаж байсныг унтраасан.

Сонгинохайрхан дүүргийн 1 дүгээр хороо, Олон улсын хүүхдийн “Найрамдал” зуслангийн уурын зууханд их хэмжээний нүүрс шатаж байна гэсэн дуудлагыг 16:12 цагт өгснөөр Аврах, гал унтраах 11 дүгээр ангийн тасгийг гаргахад 100 тонн нүүрсний 10 орчим тонн нүүрс шатаж байсныг 03:10 цаг ажиллан 12 тонн ус зарцуулан унтраасан.

Баянзүрх дүүргийн 5 дугаар хороо, 15 дугаар хорооллын Отгон тэнгэр их сургуулийн ард талд Нобел зочид буудлын 1 дүгээр давхар утаатай байна гэсэн дуудлагыг 18:36 цагт өгснөөр Аврах, гал унтраах 63 дугаар ангийн тасгийг гаргахад тус зочид буудлын 1 дүгээр давхарт байрлах цайны газрын хоол бэлтгэх өрөөний хананд байрлах цахилгааны утас, хананы хэсэг шатаж байсныг унтраасан.

Сонгинохайрхан дүүргийн 16 дугаар хороо, 1 дүгээр хорооллын 27 дугаар байрны 1 дүгээр орцны хогийн сувагт хог шатаж байна гэсэн дуудлагыг 19:47 цагт өгснөөр Аврах, гал унтраах 26 дугаар ангийн тасгийг гаргаж унтраасан.

Баянгол дүүргийн 4 дүгээр хороо, Гаалын 2 дугаар байрны 1 дүгээр давхар утаатайбайна гэсэн дуудлагыг 20:28 цагт өгснөөр Аврах, гал унтраах 10 дугаар ангийн 2 дугаар тасгийг гаргахад тус байрны 1 дүгээр давхарт тоот нь, эзэн нь тодорхойгүй орон сууцны гал тогооны өрөөнд хийн зуухан дээр савтай зүйл орхисноос утаатай байсныг аюулгүй болгосон.

Аврах ажиллагаа

Баянзүрх дүүргийн 20 дугаар хороо, Хар хушуу гэдэг газар Туул голд 1 хүн живсэн, ухаангүй байна гэсэн мэдээллийг 13:40 цагт ирүүлсний дагуу нийслэлийн Аврах ангийн Эрэн хайх аврах салбарын бүлгийг гаргахад Туул голын усанд 33 настай, эрэгтэй осолдож нас барсан байсан тул дүүргийн цагдаагийн бүрэлдэхүүнд цогцосыг хүлээлгэж өгсөн, 29 настай, эрэгтэй голын сайран дээр гарсан байсныг эсэнд мэнд аюулгүй газарт хүргэсэн.

Багануур дүүргийн 5 дугаар хорооны нутагт Хэрлэн голд хүн живсэн гэсэн дуудлагыг 18:45 цагт өгснөөр дүүргийн Онцгой байдлын хэлтсийн Аврах гал унтраах 64 дүгээр ангийн ахлах дэслэгч Г.Отгонжаргал ахалсан 8 албан хаагч, нэмэлтээр үүрийн 4 цагтнийслэлийн Аврах ангийн Эрэн хайх аврах салбарын бүлгийн дарга дэслэгч Б.Баттулга ахалсан 6 албан хаагч усанд осолдсон 17 настай хүүхдийг Хэрлэн голд эрэн хайх, аврах ажиллагаа үргэлжилж байна.