СЭРЭМЖЛҮҮЛЭГ МЭДЭЭ: “Сайра” консервоос шимэгч хорхой гарч иржээ

  Иргэний гаргасан гомдлын дагуу Баянзүрх дүүргийн 4 дүгээр хороонд үйл ажиллагаа явуулж байгаа Сонгинохангай ХХК-ний “Миний дэлгүүр” 102 худалдааны төвд худалдаалагдаж байсан ОХУ-д үйлдвэрлэсэн загасны консерв /Сайра/ нэрийн 4680009030015, 14.12.13, цувралын дугаар болон хүчинтэй хугацаатай бүтээгдэхүүний чанар аюулгүй байдалд үнэлгээ, дүгнэлт өгөх зорилгоор дээж авч

    МХЕГ-ын Хүнсний аюулгүй байдлын үндэсний лавлагаа лабораторид шинжлүүлэхэд: 9644 тоот сорилын дүнгээр: Паразитологийн шинжилгээгээр: 2013 оны 12 дугаар сарын 14 үйлдвэрлэсэн Сайра консервны дээжинд Acanthocephala-eoacanthocepala /скребни/ шимэгч хорхой үхсэн хэлбэрээр илэрлээ.

   Иймээс “Сайра” нэрийн 4680009030015 кодтой бүтээгдэхүүн нь чанарын шаардлага хангахгүй байгаа тул тухайн бүтээгдэхүүнийг худалдан авахгүй байхыг сэрэмжлүүлэн анхааруулж байна. /МХЕГ-ын хэвлэл мэдээлэл, олон нийттэй харилцах хэлтэс/