Хятадын тагнуулынхантай дэр нийлсэн “Жи мобайл” хэрэглэгчидийг хохироосоор байхуу?

 “Үндэсний” гэж итгэхэд хэцүүхэн болсон G-Mobile компани дэлхийн бараг 20 гаруй оронд  нууц тагнуулын үйл ажиллагаа явуулж АНУ болоод Европын хөгжингүй орнууд хэрэглэхээс татгалзаад байгаа Хятадын харилцаа холбооны  төрийн өмчит “ZTE” компаний “Монгол дахь ар тал” гэх шуум тархсанаас хойш нэр хүндээ нэлээдгүй  алдаад байгаа.

Тэгвэл итгэл эвдэж, олон хэрэглэгчээ алдахдаа тулсан  G-Mobile компани элдэв урамшуулал, хөнгөлөлт лизин санал болгож хэрэггүй баахан “хар хайрцаг” зах зээлд шахаж орхисон талаар бухимдсан хэрэглэгчид гомдоллож байна.

 G-Mobile  компаний “SALE” зарлаж 240,000-гаар худалдсан Wi-Fi сүлжээгээр нэгэн зэрэг хэд хэдэн төхөөрөмжийг интернэтэд холбож,  iPhone, iPad зэрэг бүх төрлийн Wi-Fi бүхий төхөөрөмжтэй хоршин ажиллах  шидтэй NH-200M модем нь  хэнд ч хэрэггүй буцаах ч аргагүй “хар хайрцаг” хэмээн олон хэрэглэгчид бухимдаж байна.   Дээрх төхөөрөмжийг  G-Mobile компаниас лизингээр авах боломжийг санал болгон хэрэглэгчдэд олноор “шахсан” ч  интернэтийн хурд удаан, бичлэг дуу сонсож болохгүйгээс гадна фэйсбүүк хуудсанд хүртэл орж дийлэхгүй байгаа нь хэрэглэгчдийн хохироосон хэрэг болжээ.

Ийнхүү Хятадын тагнуулынхантай дэр нэгтгэж интернэтийн үйлчилгээгээ будлиантуулаад байгаа “Жи мобайл” компани “Үндэсний” гэх нэр барьж хэрэглэгчидийг хохироосоор байхуу?

 Fact.mn