7000 аж ахуй нэгж эдийн засгийн хүндрэлээс болж хаалгаа барьжээ

Эдийн засгийн хүндрэлээс гарах арга зам нээлттэй хэлэлцүүлгийг МАН-ын бүлгээс зохион байгуулж эдийн засагч судлаачдын хамгийн сүүлд хийсэн  судалгаа баримтыг  дэлгэлээ. Эдийн засгийн хүндрэл валютын ханшийн галзуурлаас болж 7000 аж ахуй нэгж дампуурч хаалга барисан гэсэн мэдээлэл байна.

Мөн улсын гадаад өрийн хэмжээ 19,2 тэр бум төгрөгт хүрч ДНБ-тэй харьцах харьцаа 63 хувьд хүрсэнээс гадна өргөн хэрэглээний хүнсний бүтээгдхүүний үнэ ханш 24-87 хувиар өссөн гэсэн судалгаа гарсан байна. ҮСХ-ноос ажилгүй иргэдийн тоо буурлаа гэж сүүлийн 2 сар дарааллан мэдээллэсэн ч бодит байдал дээр эсрэгээрээ бүртгэлтэй ажилгүйчүүдийн тоо 20-оод хувиар өссөн гэсэн дүгнэлт гарчээ.Их хэмжээний өр зээл тавихыг сөрөг хүчин эсэргүүцэж байсан ч эрх баригч нам бие даан шийдвэр гаргаж эдийн засгийг хүндрүүлсэн гэж МАН-ын дарга үзлээ.

МҮЭХ-ноос эдийн засгийн бодитой судалгаа шинжилгээ бие даан хийснээ өнөөдрийн хэлэлцүүлгийн үеэр танилцуулсан. Өнөөдрийн байдлаар манай улсад хөдөлмөрлөж байгаа нийт иргэдийн 30 гаруй хувь нь цалингийн зээлтэй байгаагаас гадна баян ядуугийн эрс тэс  ялгаа хэрэглээний судалгаан дээр хамгийн их ажиглагдсан тухай хэлсэн. ДНБ өслөө ч буурлаа ч ялгаагүй иргэдийн амьдралд наалдсан үр дүн огт байхгүй байгааг шүүмжиллээ.

МҮЭХ-ноос цаашид ажлын байруудыг хамгаалж, үнийн өсөлтөнд тавих хяналтыг чангатгах нь зүйтэй гэсэн байр сууриа илэрхийлсэн. Мөн ахмадуудын 97 хувь нь бага тэтгэвэртэйгээс гадна бараг 80 гаруй хувь нь тэтгэврийн зээлтэй гэсэн судалгаа ч гарсан байна. Эдийн засгийн хүндрэл нийгмийн бүх салбарт нөлөөлж энэ янзаараа байвал эдийн засгийн тамир тэнхээ муудаж удахгүй хэвтэрт орж мэдэхээр байгааг олон хүн шүүмжиллээ.

Ариунсэтгэл

tv5news.mn