Оросын цэргийн ажиллагааг хатуу шүүмжлэв
Оросын цэрэг Крымд суугаа Украины цэргийн хүчинд цохилт өгсөн явдалд 25-ны өдөр Украины Гадаад Хэргийн Яамны зүгээс ОХУ-ын Гадаад Хэргийн Яаманд хүчтэй эсэргүүцэл тавьсан байна.
Мөн өдөр Киев хотноо болсон хэвлэлийн бага хуралд Украины Гадаад Хэргийн Яамны албаны хүн хэлсэн үгэндээ, сүүлийн хэд хоногт, зэвсгийн хүчээр Украины цэргийн хүчний байгаа газар болон тэнгисийн флотын хөлөг онгоцыг дээрэмдсэн хэрэг гарсаар байна. Энэ нь Украины цэргийн хүчинд хүчирхийлэл, сэтгэл санааны дарамт үзүүлж байгаа төдийгүй булаан эзлэх ажиллагаа нь Украиныг тайван бус байдалд оруулж байна. Мөргөлдөөнийг шат өгсүүлэх түрэмгийллийн ажиллагаа явуулж байгаа Оросын цэргийг Украины тал хатуу шүүмжилж, барьцаалагдсан украинчуудыг суллаж, Украины цэргийн хөлөг онгоцыг булаан дээрэмдэх ажиллагаагаа даруй зогсоон, Украины нутаг дэвсгэрээс цэргээ татаж, хямралыг зохицуулах яриа хэлэлцээ хийхийг ОХУ-аас шаарджээ.
\Р\ china radio
URL:
