Ажил чинь танд таалагддаг бол

Судалгаанаас харахад албан ажил нь таалагдаж байгаа хүмүүс амжилтад хүрэхдээ хурдан байдаг. Таны ажил танд таалагддаг бол сайн хэрэг.
Учир нь сэтгэл санаа тань өөдрөг байх болно. Та тухайн ажлыг хийх ёстой л бол аль болох сайн хийх хэрэгтэй гэсэн алтан дүрмийг баримталж сураарай. Хийж буй ажилдаа туйлын анхааралтай ханд. Таны бичиг цаас, ном дэвтэр, эргэн тойронд байгаа бүх зүйл эмх цэгцтэй, цэвэр нямбай, тодорхой бичигдсэн байх ёстой.
Ер нь хүний хөдөлгөөн зарим тохиолдолд үг хэлнээс илүү хүчтэй. Та гараа элгэндээ тэвэрч, хөлөө ачин суувал бусдад таатай санагдахгүй. Ярилцаж буй хүн тань бухимдаж ч магад. Ямар ч тохиолдолд эхлээд өөрийгөө бэлдээд дараа нь бусдын хөдөлгөөн, харц, үгийг нь сайтар ажиглаж байгаарай. Алхаж гишгэж байгаагаа хүртэл хянаарай. Тэгж чадвал амжилт таны гарт. Бас таны ажил хэрэгч занг хүмүүс хүндлэнэ.