Сураггүй болсон онгоцны зорчигчдод зориулж зул өргөжээ

Куала Лампур хотоос Бээжингийн чиглэлд нислэг үйлдэж явсан Малайзын агаарын тээврийн Боинг 777-200 ор сураггүй алга болоод 10 хонож байна.

Боинг 777-200 онгоцыг эрж хайх ажиллагаа үргэлжилж байгаа. Одоогийн байдлаар энэ ажиллагаанд 25 улсын 58 хөлөг онгоц нэгдэж эрэл хайгуул хийж байгаа юм.

Тэгвэл Хятадын өмнөд хэсэгт орших Жиансу мужийн Янжоу их сургуулийн оюутнууд Боинг 777-200 онгоцны зорчигчдын араас зул өргөх арга хэмжээг зохион байгуулжээ. Тэрээр ор сураггүй алга болсон онгоцны хувь заяаг даатгаж, мөргөл үйлдэх арга хэмжээг Малайз, Хятадад зохион байгуулж байгаа юм байна.