Зам тээврийн ослоор 53 хүн гэмтжээ

Өчигдрийн байдлаар нийслэлд иргэд, аж ахуйн нэгжээс 9907 хандалт бүртгэгджээ. Тодруулбал, 101,105 дугаарт 830, 102 дугаарт 4165, 103 дугаарт 4912 дуудлага ирсэн байна. Үүнээс түргэн тусламжийн 787, зам тээврийн зөрчил 280, гал түймэр, аврах ажиллагааны 15 дуудлага хүлээн авчээ.

Харин амралтын өдрүүдэд  гэмт хэрэг, зөрчлийн 5174 дуудлага, мэдээлэл шалгагдаж, гэмт хэргийн шинжтэй 188 үйлдлийг бүртгэн холбогдох нэгжүүд шалгаж, 134 хэргийн эзэн холбогдогчийг илрүүлжээ. Нийслэлд бусдын биед гэмтэл учруулах 10, хулгайлах 63, дээрэмдэх зургаа, булаах хоёр, танхайрах 30, хүчиндэх нэг, мөнгөн тэмдэгт хуурамчаар үйлдэх нэг, зам тээврийн хэрэг 45, осол 39 гарч 53 хүн гэмтсэн байна. Гэмт хэрэг, зөрчлийн 1556  дуудлагыг хүлээн авч шийдвэрлэлээ