3-р сарыг Клубүүдын сар болгон зарлалаа

Залуучууд сүүлийн үед өөрсдийн сонирхлоороо нэгдэж клубуудыг ихээр байгуулдаг болсон байна. Энэ нь чөлөөт цагаа зөв боловсон өнгөрүүлэх, өөрийн хүссэн зүйлээ бусдаас суралцаж, мөн харилцан мэдлэг мэдээлэл солилцох, өөрийгөө хөгжүүлэх, шинэ найз нөхөдтэй болж хамрах хүрээгээ тэлэх, санхүүгийн асуудалд орохгүйгээр цагийг үр бүтээлтэй зугаатай өнгөрүүлэх боломжийг залуучуудад нээж өгч байгаа юм. Залуучуудын энэхүү үйл ажиллагаагдэмжин, тэднийг чадваржуулах, боловсрол мэдлэгтэй болгох, цагийг үр бүтээлтэй өнгөрүүлж сурах олон ажлуудыг зохион байгуулах зорилгоор Монголын Залуучуудын Холбоо ирэх 3-р сарыг Клубүүдын сар болгон зарлалаа. 2014 оныг “Нэгдье” залуусаа уриатайгаар бүхий л үйл ажиллагаагаа зохион байгуулж байгаа бөгөөд он гарсаар МЗХ-ны дэргэдэх залуу дугуйчин, залуу эмэгтэйчүүд, залуу бүжигчин, залуу сэтгүүлч, япон хэл сонирхогчдын клуб, залуу гоо зүйч, залуу наадгайчин, өглөөний хүн, номонд дурлагсдын клуб, Англи хэл сонирхогчдын клуб, Испани хэл сонирхогчдын клуб, Хөлбөмбөг сонирхогч залуус клуб зэрэг нийт 12 клубыг байгуулж үйл ажиллагааг нь жигдрүүлж эхлүүлсэн байна. Тиймээс ирэх 3-р сард эдгээр клубүүдээ тамга тэмдэгтэй болгох нэмж олон клубуудыг байгуулахын зэрэгцээ 3-р сарын 8-н буюу эмэгтэйчүүдийн баяраар МЗХ-ны төв байранд үзэсгэлэн гаргах зэрэг энэ сарын турш томоохон арга хэмжээ, event-үүдийг зохион байгуулахаар болсон байна. Залуучууд идэвхитэй оролцож өөрсдийн сонирхсон клубдээ элсэх, шинэ клуб байгуулах бүрэн боломжтой болжээ.