“China open”-оос найман хүрэл медаль хүртлээ

БНХАУ- д болсон “China Open” олон улсын тэмцээнээс манай боксчид найман хүрэл медаль хүртлээ. Уг тэмцээнд манайхаас эрэгтэй, эмэгтэй нийт 13 боксчин оролцсоноос хөдөлмөрийн баатар, гавъяат тамирчин П.Сэрдамба, ОУХМ Э.Идэрхүү, З.Энхзориг, Ж.Отгонжаргал, Т.Чулуунтөмөр, Х.Мандахбаяр, Д.Идэрбат, Б.Ундрам нар хүрэл медаль хүртсэн байна.

Боксчид тэндээ хоёр долоо хоног олон улсын тамирчидтай хамтарсан бэлтгэл хийгээд эх орондоо ирэх юм. Дараа нь ирэх наймдугаар сарын 3-13-нд БНСУ-д болох тэмцээнийхээ бэлтгэлдээ шууд орох аж.