Ил харагдах шархгүй нас барсан байдалтай долоон хүн бүртгэгджээ

Өчигдрийн байдлаар Нийслэлд иргэд, аж ахуйн нэгжээс нийтдээ 9578 хандалт ирж бүртгэгджээ. Тодруулбал, 101,105 дугаарт 766, 102 дугаарт 4615, 103 дугаарт 4197 дуудлага ирсэн байна.

Үүнээс гэмт хэргийн шинжтэй зөрчил 1514, түргэн тусламжийн 712, зам тээврийн зөрчил 314, гал түймэр, аврах ажиллагааны долоон дуудлагыг хүлээн авч шийдвэрлэжээ.

Түүнчлэн өчигдөр ил харагдах шархгүй долоон хүн, өөрийгөө боймилж нас барсан хоёр хүн бүртгэгдлээ гэж Цагдаагийн Ерөнхий газрын Мэдээлэл, шуурхай удирдлагын төвөөс мэдээллээ.