Хэрэв та ганцаардвал эсрэг хүйстэнтэйгээ харьцаарай

- Орчин үеийн номер нэг асуудал болсон ганцаардал, салалт, сэтгэлийн хямрал, стресс бухимдал нь хувь хүний хүрээнээс халиад нийгмийн үзэгдэл болсонд судлаачид түгшиж байгаа билээ. Үүнээс гарах хамгийн үр дүнтэй гарц нь хувь хүний хандлагаас ихээхэн хамаарна.

- Сэтгэлийн хямралд өртвөл эсрэг хүйстэнтэйгээ харьц. Хүн амьдралын туршдаа бишгүй л нэг сэтгэлээр унаж гүнзгий хямралд орох нь бий. Сэтгэл зүйчид үүнийг түр зуурын хямрал гэж үздэг. Ийм байдал удаан үргэлжилбэл эмгэг хууч хүртэл олж болно.

Иймд сэтгэлийн хямралаа даамжруулалгүй энгийн арга хэмжээ авч сураарай. Хямралын үед эрэгтэй нь эмэгтэйгээ, эмэгтэй нь эрэгтэйгээ хэрэг болгон уулзаж, хууч хөөрч, баярлаж баясвал зовлонгоосоо түргэн салдаг байна. Заавал сексийн харьцаанд орох албагүй шүү. Үүнээс дээр шалгарсан “эм” байхгүйг Америкийн судлаачид нотолж байна.

Судлаачид мянгаад хүнд судалгаа хийхэд хөгшин залуу ямар ч хүн өөрийн эсрэг хүйстнийхээ найзтай уулзаж хөөрөлдсөний дараа сэтгэлийн хямрал ганцаардал, уйтгар гуниг нь бүрэн засарчээ.

Учир нь яагаад гэвэл эрэгтэйн үг бүрийг найз бүсгүй (танил эмэгтэй) нь чих тавин чагнаж сэтгэлээ хуваалцдаг байна. Хачирхалтай нь эмэгтэй хүн эмэгтэйнхээ үгийг ингэж анхааралтай сонсдоггүй, бас ижил хүйстэнтэйгээ харьцахад сэтгэлийн хямрал нь арилдаггүй гэнэ. Байгалийн өвөрмөц зохицол байж болно.

Эмэгтэйчүүдийн хувьд бол эрчүүд тун түшигтэй бас найдвартай байдаг учраас тэр болгонд хэлж ярьдаггүй санал бодлоо дотночлон ярьж сэтгэлээ тайвшруулж, дотроо онгойлгодог байна. Эмэгтэй хүн эрчүүдтэй заавал хайр сэтгэлээр холбогдох албагүй.