Вьетнамаар дамжин Лаос улсаас Хятад руу бараг хоёр тонн хар тамхи гаргах гэж байсан 30 хүн цаазаар авахуулав

Вьетнамын шүүх хар тамхи хууль бусаар тээвэрлэсэн хэргээр 30 хүнд цаазаар авахуулах ял оноосон нь тус улсын түүхэн дэх хамгийн том шүүхийн шийтгэл оногдуулсан явдал болов. Есөн эмэгтэй, 21 эрэгтэй хүн Вьетнамаар дамжин Лаос улсаас Хятад руу бараг хоёр тонн хар тамхи гаргах гэж байснаа хүлээсэн байна.

Эдгээр хүмүүсээс гадна энэ хэрэгтэй холбоотой хэдэн 10 хүн янз бүрийн хугацаагаар шоронд хоригдох болон бүр бүх насаараа хоригдох ял сонссон юм байна. Шүүх хурал олон тооны шүүгдэгсэд болон хэргийн онц ноцтой байдлаас болоод Куанг Нин мужийн шоронд болж өндөрлөжээ.