Зэсийн ханш “өндөрлөгөө” авав

Олон улсын зах зээлд зэсийн үнэ өнгөрөгч жилээс эхлээд дээд ханшдаа хүрснийг “Bloomberg” мэдээлсэн аж.

Түүнчлэн биржүүд дэх нөөц нь багасч, урд хөршийн үйлдвэрлэл улам нэмэгдэж байгаатай холбогдуулан зэсийн ханш өссөн шалтгааныг нь тайлбарласан юм байна. Тодруулбал, Лондоны металлын биржид зэсийн фьючерс ханш нь 1.3 хувиар дээшлэн нэг тонн нь 7457.5 ам.доллартай дүйсэн ажээ.

Энэ нь өнгөрөгч оны зургадугаар сарын 5-наас хойших хамгийн өндөр үнэлгээ юм байна. Харин Шанхайн биржид 7446.75 ам.доллараар үнэлэгджээ.

Мөн оны сүүлээр Лондоны металлын биржийн агуулахад ердөө 366.4 мянган тонн зэс үлдсэн нь сүүлийн 11 сарын хамгийн бага үзүүлэлт юм байна. Шанхайн биржийнх ч мөн хугацааны доод төвшинд хүрсэн нь шаргал металлын үнэлгээ дээшлэхэд нөлөөлсөн ажээ.

Б.Яруу