China radio: 2013 онд гадаадад жуулчлагчдын тоо 98 саяыг давжээ

Хятадын Аялал жуулчлалын академийн гаргасан “Аялал жуулчлалын цэнхэр дэвтэр”-т дурдсанаар, 2013 онд Хятадын гадаадад жуулчлагчдын тоо 98 саяыг давсан нь өнгөрсөн оны мөн үеийнхээс 18% өссөн үзүүлэлт юм.

Уг тайланд тэмдэглэснээр, гадаадад жуулчлах хүний тоо хурдтай нэмэгдэж, 2013 онд Хятадын гадаадад жуулчлах зардал 120 тэрбум ам.долларыг давж, өнгөрсөн оны мөн үеийнхээс 20 хувь өсчээ.
Тайланд мөн дурдахдаа, 2013 онд Хятадын аялал жуулчлал тогтвортой хөгжиж, дотооддоо аялсан хүний тоо 3 тэрбум 300 саяыг давж, өнгөрсөн оны мөн үеийнхээс 11.6 хувь нэмэгджээ. Тайланд мөн мэдээлэхдээ, “8 зүйлт тогтоол” зэрэг бодлогын улмаас албаны зардлаар жуулчлах явдал эрс буурч, иргэд хувиараа аялах нь нэмэгдсэн гэжээ. 2013 онд дотоодын жуулчлалын орлого 2 триллион 600 тэрбум юанийг давж, өнгөрсөн оны мөн үеийнхээс 14 хувь өсчээ.

\Хуар\ china radio