“Салют, гэрэлт үзүүлбэрийг шалгаж аваарай”

Шинэ жилийн баяр ойртож буй энэ өдрүүдэд гацуур мод, салют, чимэглэл худалдаанд гарч эхэлжээ.

Өнгөрсөн жилүүдэд салютыг буруу хэрэглэснээс болж цөөнгүй иргэн эрүүл мэндээрээ хохирсон. Ийм үйлдлээс сэргийлж, баярыг угтан сэрэмжтэй байхыг ЦЕГ-ын Хэвлэл мэдээллийн төвийн байцаагч, цагдаагийн ахмад Н.Төгсбаяр анхааруулж байна.

-Шинэ жилийн баярын өдрүүд ойртож байна. Баяр ёслолоо буруу тэмдэглэснээс үүдэж цөөнгүй иргэд амь, нас эрүүл мэндээрээ хохирдог. Энэ тухай уншигчдад сэрэмжлүүлэг мэдээлэл өгөхгүй юу?
-Баталгаагүй, чанарын шаардлага хангаагүй салют, гэрэлт үзүүлбэрийг хэрэглэх тохиолдол бий. Тиймээс худалдан авч буй газраасаа чанарын шаардлага хангасан эсэхийг лавлаж, тухайн худалдан авсан барааныхаа хугацаа, чанарт нь анхаарах хэрэгтэй.

-Чанаргүй, баталгаагүй салютаас болж өнгөрсөн жилүүдэд олон хүн эрүүл мэндээрээ хохирсон байх аа?
-Хоёр жилийн өмнө салют, гэрэлт үзүүлбэрийн буруу хэрэглээ, чанараас болж олон иргэн хүндээр гэмтсэн. Цагдаагийн байгууллага болон холбогдох хяналтын байгууллагаас баярын өмнө энэ тухайд шалгалт хийдэг.

Б.Энх

ЗУУНЫ МЭДЭЭ