М.Уранцэцэг алтан медалийн төлөө барилдана

Японы нийслэл Токио хотноо жүдо бөхийн Их дуулгын тэмцээн өнөөдөр эхэлсэн. Тэгвэл одоо медалийн төлөөх барилдаанууд болж байна.

Дөнгөж саяхан 60 кг-ын жингийн зооны аваргын төлөөх болон торгуулийн тойргийн барилдаан болж өндөрлөлөө.

Зооны аваргын төлөө дэлхийн аваргын мөнгөн медальт Д.Амартүвшин Солонгосын бөх Ким Жин Вонтой хүч үзсэн ч хоёр торгуулиар ялагдаж, дэлхийн аварга Такатогоос даагаа нэхэх боломжоо алдаа.

Одоо манай бөх хүрэл медалийн төлөө Японы бөх Шишими Торутай хүч үзнэ. Харин торгуулийн тойргийн барилдаан хийсэн Г.Болдбаатар Японы бөх Кидо Шинжид ялагдсанаар тэмцээнээ дуусгалаа.

Харин 48 кг-ын жинд хүч үзсэн дэлхийн аварга М.Уранцэцэг дөнгөж саяхан зооны аваргын төлөө Японы бөх Тода Мириг ялсанаар алтан медалийн төлөө барилдах боломжтой боллоо. Манай бөхтэй финалд өөр нэг Япон болох Кондо Ами хүлээж байна.

Н.Пунцагболд /www.mminfo.mn/