Бага зэргийн цас орж шуурна

Ус цаг уурын хүрээлэнгийн мэдээлж байгаагаар өнөөдөр ихэнх нутгаар солигдмол үүлтэй.

Баруун   зүгийн нутгийн зүүн хэсэг, төвийн нутгийн   зарим газраар бага зэргийн цас орж, зөөлөн цасан шуурга шуурна. Салхи хойноос секундэд 4-9 метр, говь талын нутгаар   секундэд 12-14 метр хүрч ширүүснэ.

Маргааш нутгийн зүүн хагаст, 27-нд зүүн зүгийн нутгаар бага зэргийн цас орно. Салхи 26, 27-нд говь, талын нутгаар секундэд 16-18 метр хүрч цасан шуурга шуурна.

Дархадын хотгор, Хүрэн бэлчир, Идэр, Тэс, Ерөө, Туул, Тэрэлж, Хэрлэн, Онон, Улз, Халх голын саваар хүйтэрч шөнөдөө 27-32 градус, өдөртөө 16-21 градус, говийн бүс нутгийн өмнөд хэсгээр шөнөдөө 14-19 градус, өдөртөө 4-9 градус, бусад нутгаар шөнөдөө 20-25 градус, өдөртөө 10-15 градус хүйтэн байна.

Хугацааны сүүлчээр өдөртөө дулаарна.