Амьдралд тохиолддог 10 таагүй явдал

Амьдралд тохиолддог 10 таагүй явдал жаргалтай амьдрахад саад болдог давж гаршгүй нөхцөл байдлууд байдаг. Түүнээс болоод бидний сэтгэл санаа тавгүйтэж, орчны хүмүүстээ муухай аашилдаг. Харин эдгээр шалтгаанаа тодруулснаар бид чухамдаа сэтгэлээр унаад байх юм нэг их алга гэдгийг ойлгоно.

 1. Орон сууцны нөхцөл байдал: Зарим үед ганцаар баймаар санагддаг, гэтэл гэрийнхэн маань ийм боломж олгодоггүй. Харин зарим оронд жишээлбэл японд ганцаар байхыг хүсэгчдэд зориулсан тусгай зочид буудлууд байдаг, эдгээр зочид буудлын өрөө нь хэвтээ байхаар тоноглогдсон, яг стандартын авс шиг хэмжээтэй, мөн матрац, чийдэн, аудиосистемтэй гэнэ. Ийм буудалд 1 цаг байхад 40 доллар гэнэ. Харин та ийм авсанд орохыг хүсээгүй биз дээ?

 2.Толинд хараад сэтгэлээр унадаг: Бид өөрийгөө голж шүүмжилдэг, гэтэл энэ бол зөвхөн бидний хувийн бодол. Эргэн тойрны хүмүүс маань өөрийн бодол санаанд гүн автаж байдаг тул бид ямархуу харагдаж байдаг нь тэдэнд онц чухал биш. Алдар нэрд гарсан тарган хүмүүсийг сана даа, тэд топ-загвар өмсөгчид шиг биетэй биш ч энэ нь тэднийг алдар хүндийн оргилд хүрэхэд саад болоогүй шүү дээ.

3.Мөнгөгүй, ядуу: Орчин үед ингэж ярьж байгаа хүн бусдад онцгүй сэтгэгдэл төрүүлнэ. Нас биенд хүрсэн хүмүүс хүсвэл амьдрах мөнгөө олох боломж байна, ингэж ч чадна. Тэнгэрээс эд баялаг унаад ирнэ гэж найдах хэрэггүй. Одоо хүсвэл хэн ч баяжиж чадна. Хийж чадалгүй өнгөрөөгөөд дараа нь насан туршдаа харамсаж явахаар хийгээд алдсан нь дээр.

4.Дахиад л муу авчээ: Хичээл сурлагаар бусдаас хоцорч яваа сурагчдыг оюуны чадвараар дорой гэж үзэж болохгүй. Хэрэв сурагч багшийн асуултанд хариулж чадахгүй байгаа бол багш өөрөө асуултаа буруу тавьсан гэсэн үг. Хүүхэдтэй хэл амаа ололцож чадаагүй гэж бухимдаж уурлаж байгаа багш бол мэргэжлийн хувьд таарахгүй хүн. Боловсролын систем төгс биш гэдгийг бид мэддэг, чухам ийм учраас л агуу Эйнштейн дандаа “гурав” авдаг байжээ. Тэгэхээр та хүүхдээ муу дүн авлаа гэж сэтгэлээр унах хэрэггүй.

5.Ханийн тэвчишгүй ааш араншин: Агуу суут хүмүүсийн эхнэрүүд тэдний элдэв хачин авирыг тэвчиж байсныг бүү мартаарай. Ийм шалтгааны улмаас Сталины эхнэр амиа хорложээ. Харин та түүнээс арай ухаантай алхам хийгээрэй, ханийнхаа гаргасан бүх ааш авирыг бичиж тэмдэглэж ав, хэрэв танай нөхөр нэрд гарвал та дурсамжаа бичиж баяжина даа.

 6.Нийтийн тээврийн хэрэгсэл: Оргил цагийн үед ажилдаа ирж очих тэгээд дамжиж явах тун хэцүү. Гэхдээ та бусадтай өөрийгөө харьцуул. Бразилийн Рио-де-Жанейро хотын ажилчид галт тэрэгний дээвэр дээр сууж, ажилдаа очдог. Москва хотын оршин суугчид Москва руу ажилдаа ирэх очихдоо өдөрт 4 цаг зарцуулдаг. Манай орны хөдөөгийн зарим сурагчид хичээлдээ олон км замыг явган туулж очдог гээд. Тэгвэл та 20-30 минут тээврийн хэрэгслээр яваад очдогоо соёл иргэншлийн давуу гэж үзэж бахарх, таашаал ав.

7.Сонирхолгүй ажил: Та ажилдаа сонирхолгүй бол өөр талаас нь хар даа, ажилгүй хүнийг эсвэл гэрийн эзэгтэйг та төсөөл дөө. Гэр орныхоо хүмүүст өдөрт 3 удаа хоол унд бэлдэн, угааж арчиж байгаа ч ямар ч нэр хүндгүй. Ийм учраас та өөрийгөө ажилтай байгаад, хамт олны дунд байдаг, нийгмийн бүрэн эрхт гишүүн гэдгээрээ бахарх.

8.Надад хэн ч хайргүй: Сэтгэл зүйчдийн баталж байгаагаар аливаа эрүүл хүнд заавал хэн нэгэн /түүнээс ч олон хүн/ хайртай байдаг. Хамгийн гол бэрхшээл нь хүн болгон сэтгэлээ, энэ хайраа илчлэх зүрхгүй, хүлээж, өөрийг нь ойлгоно гэж найдаж байдаг. Эсвэл та дотроо “гэнэт энэ хайр биш байж магадгүй” гэж тээнэгэлздэг. Гэтэл ингэж бодож тунгаагчид ганцаардаж хоцордог. Энэ асуудлыг шийдэхийн тулд юуны өмнө өөрийгөө хайрлах хэрэгтэй, хүссэнээ хийх зоригтой бай, бусад хүмүүс юу гэх бол гэж эмээхээ боль.

9.Цаг агаар таагүй: Хүйтэн, бороо, салхи шороо. Олон оронд энэнээс ч муу явдал тохиолддог. Япон л гэхэд байнга асар хүчтэй цунами, далайн шуурганд өртөж, тогтмол газар хөдөлдөг. Мөн энд тэнд атомын цахилгаан станц дэлбэрдэг талаар дуугаараад ч яахав. Тэгэхээр бороо, салхи бол сэтгэлээр унах шалтаг биш.

10.Амьдрал бүтсэнгүй: Хэрэв та үүнийг ойлгосон бол амжилт олох замдаа оржээ гэсэн үг. Хүн хэдэн ч насандаа өнгөрснөө орхиж, амьдралаа цоо шинээр эхэлж болдог. Олон агуу хүмүүс ингэж байсан. Поль Гоген 40 настайдаа гэнэт уран бүтээлийн онгод нь орж, агуу зураач болсон. Олон хүн 40 гараад улс төрөөр оролдсон. Хамгийн гол нь өөрийн мөрөөдлөө тодорхойлж, түүнийг биелүүлэхийг хичээ, худлаа даруу байдлаа таягдан хая.