Хятадад хар салхины улмаас 74 загасчин ор сураггүй болжээ

Хятадын өмнөд хэсэгт загасчилж явсан 74 иргэн хар салхины улмаас ор сураггүй болжээ.

Гуандон мужийн өмнөд хэсгээс гарсан гурван хөлөг онгоц ням гарагийн үд дунд хар салхины шуурганд өртөж Хайнан арлаас 330 км-ын зайд живсэн хэмээн Хятадын Синхуа агентлагаас мэдээлжээ.

Хөлөг онгоцонд нийт 88 загасчин явсан бөгөөд тэдний 14 нь аврагдсан байна.

Одоогоор эрлийн баг ор сураггүй болсон иргэдийг хайж байгаа аж.

Б.Сондор