АНУ 3D нууцлалтай 100 долларын дэвсгэртээ ирэх сард гаргана

АНУ 100 ам.долларын шинэ мөнгөн дэвсгэртээ ирэх сарын 8-нд танилцуулах гэж байна. Өндөр технологиор бүтсэн шинэ долларын дэвсгэрт өнгө нь солонгордог бэхээр хийгдсэн бөгөөд 3-D нууцлалын тууз, Бенжамин Франклины хөргийг илүү томруулснаараа онцлог юм. Шинэ 100 ам.долларын дэвсгэртийг банкинд тусгай гэрлээр шалгах бөгөөд энэ нь хуурамч мөнгөн дэвсгэрт үйлдвэрлэхээс сэргийлж байгаа юм. Энэ жил 2.5 тэрбум ам.долларын 100 долларын дэвсгэртийг хэвлэн гаргах аж. Энэхүү шинэ мөн- гөн тэмдэгтийг үйлдвэрлэхэд өмнөх 100 ам.долларын дэвсгэртийг үйлдвэрлэдэг байсан үнээс нэг ширхэг тутамд дөрвөн центээр илүү хэвлэх юм. Гэвч шинэ мөнгөн тэмдэгт нууцлалын хувьд урьдынхаасаа хамаагүй илүү байгаа бөгөөд шинэ мөнгөн тэмдэгтийг үйлдвэрлэхэд энэ жил 100 сая ам.доллар зарцуулсан байна. Түүнчлэн Засгийн газар тав, арав, 20, 50 ам.долларын дэвсгэртийг шинэчлэн гаргахаар бэлтгэж байгаа юм. Харин нэг ам.долларын дэвсгэртийг түр хугацаанд шинээр үйлдвэрлэхгүй аж.

Б.Ням

eagle.mn